வாழ்க்கை..

என் வாழ்வில் தினமும்...

விழித்திட மறுக்கும் விழிகளுடன் போராட்டத்தை வென்று...

மனம் முழுக்க இருக்கும் காதலை சொற்களாய் மாற்றி...

கண்ணாடி முன் ஒரு ஒத்திகை!

நேரத்துடன் கனவை மறந்து நினைவுகளைச் சுமந்து...

இயல்பை மறைத்து புது மனிதனாய்ப் பிறந்து...

உலகிற்கு ஒரு வெளிவேஷம்!

இன்றாவுது அவள் விழி மொழியின் அர்த்தம் புரிய...

அந்தச் செய்தியும் எனக்குச் சாதகமாய் அமைய...

கடவுளிடம் அரை நொடி வேண்டுகோள்!

அவள் நிழலைக் கண்டு ஒரு பாதியும்...

விழியன் அபினயங்களைக் கண்டு மீதியும்...

ஒத்திகையும் மறந்து போன அவலம்!

உன்னில் மறைந்த என் மறந்த சொற்களைத் தேட...

எல்லாம் புரிந்தது போன்ற தாக்கம் உன் முகத்தில்...

புதிர் மறையாதா   என்ற ஏக்கம் என் மனதில்!

தினம் தொடரும் என் வாழ்க்கை...

அவள் விழியன் சம்மதம் பெரும் வரை!